Vijojnë të dalin detaje të reja nga plagosja e 31-vjeçarit Leo Hera mesnatën e djeshme në Tiranë.
Mësohet se i riu ka dëshmuar në Polici se në momentin e ngjarjes po ecte në këmbë dhe është qëlluar nga mbrapa.
Ai shton se personin që e ka plagosur nuk ka mundur ta shohë.
Hera ndodhet aktualisht në spital jashtë rrezikut për jetën.
NJOFTIMI ZYRTAR I POLICISE
Tiranë/Informacion paraprak
Me datë 02.11.2020, rreth orës 23:05, është njoftuar Salla Operative se në spital është paraqitur shtetasi L.H., 31 vjeç, i dëmtuar në këmbë, jashtë rrezikut për jetën.
31-vjeçari ka kallzuar se në rrugën “Don Bosko”, është plagosur me armë zjarri në këmbë nga një person ende i paidentifikuar.
Grupi hetimor vijon punën për sekuestrimin e çdo prove të mundshme që do çojë në identifikimin dhe kapjen e autorit si dhe sqarimin e plotë të rrethanave të ngjarjes.
