Plas në studio/ “Rama imiton Trump” Analisti vë në siklet Spiropalin, ia kthen ministrja: Kështu ka qenë që përpara

Prej ditësh tashmë zgjedhjet në Amerikë janë një kryefjalë për të gjitha programet shqiptare.

Edhe mbrëmjen e djeshme po diskutohej e njëjta temë në studion e “Open”.

Gjatë emisionit ka patur një përplasje mes analistit nga Kosova Dastid Pallaska dhe ministres Elisa Spiropali.

Sipas Pallaskës është qesharak fakti që Edi Rama dhe Albin Kurti të pozicionohen kundër Trump, pasi të dy ata e imitojnë atë në sjellje, veprime dhe komunikim.

“Mua më duket qesharake, pasi Rama dhe Kurti e imitojnë Trump-in. Këtu kemi si shembull populizmin e shfrenuar”.

Menjëherë ka ndërhyrë Elisa Spiropali e cila tha se Rama ka qenë i tillë para Trump.

“Nuk mund të thuash se Rama imiton. Rama ka qenë I tillë para se të kandidonte Trump për president. Në qoftë se flasim për populizmin Rama është që në vitet 2000 kur u zgjodh kryetar i bashkisë Tiranë”- tha Spiropali.