Plagosje në Tiranë/ I riu përfundon në spital, policia jep detajet e para (EMRI)

Plagosje me armë zjarri gjatë natës në Tiranë.

Mësohet se i riu që është qëlluar nga një person ende i paidentifikuar është Leo Hera, 31 vjeç.

Ai është plagosur në këmbë dhe ndodhet në spitalin e Traumës nën kujdesin e mjekëve.

Policia bën me dije se grupi hetimor po punon për zbardhjen e ngjarjes dhe kapjen e autorit.

NJOFTIMI ZYRTAR I POLICISE

Tiranë/Informacion paraprak

Me datë 02.11.2020, rreth orës 23:05, është njoftuar Salla Operative se në spital është paraqitur shtetasi L.H., 31 vjeç, i dëmtuar në këmbë, jashtë rrezikut për jetën.

31-vjeçari ka kallzuar se në rrugën “Don Bosko”, është plagosur me armë zjarri në këmbë nga një person ende i paidentifikuar.

Grupi hetimor vijon punën për sekuestrimin e çdo prove të mundshme që do çojë në identifikimin dhe kapjen e autorit si dhe sqarimin e plotë të rrethanave të ngjarjes.