Përplasen dy automjete dhe përfundojnë mbi trotuarin me njerëz

Dy automjete janë përplasur me njera-tjetren në vendin e quajtur “Kthesa e NSHG-së” në Berat.

Sipas informacioneve të para mësohet se një ‘BMW’ dhe nje ‘Fiat’ pas përplasjes kanë përfunduar mbi trotuaret në anë të rrugës.

Për pasojë janë plagosur lehtë dy drejtuesit e mjeteve, të cilët ndodhen në spitalin e ketij qyteti jashtë rezikut për jetën.

Në momentin e aksidentit zona ku ndodhi aksidenti ka qenë tejet e populluar dhe fatmirësisht nuk ka pasur asnjë kalimtar të lënduar, edhe pse mjetet janë zvarritur disa metra në asfalt pas goditjes.

Eshte dashur nderhyrja e policise per te rregulluar edhe nje here qarkullimin.