LIGJET E BIZNESIT
Modelja e njohur Françeska Jaçe ka mbetur e plagosur si pasojë e një aksidenti automobilistik. Ngjarja ndodhi në rrethrrotullimin e Nartës në Vlorë.
Mësohet se ish-banorja e Big Brother po udhëtonte me makinën e saj “BMW X6”, në momentin që ka humbur kontrollin.
Për një moment automjeti është përmbysur, ndërsa modelja është plagosur.
Siç shihet edhe në pamjet e mëposhtme, mjeti qëndron i përmbysur krah rrugës, ndërsa efektivët e policisë janë aty për të liruar trafikun.
Jaçe është dërguar në spital për të marrë ndihmën e nevojshme mjekësore. Ajo ndodhet jashtë rrezikut për jetën, ndërsa ende nuk ka reaguar pas aksidentit. Në rrjetet sociale, një orë para ngjarjes, Françeska ka postuar një foto të qenushit të saj, nga shtëpia e prindërve në Vlorë.
Siç duket pasi ka dalë nga ty, është aksidentuar. Shkak për aksidentin, paraprakisht raportohet se është bërë shpejtësia e lartë e mjetit.
