“Nuk kemi frikë, do hyjmë brenda” Revoltohen studentët, i shkojnë Ramës në kryeministri me libra dhe valixhe në duar

Pak pas protestës që nisën në orën 10.00 përpara godinës së Ministrisë së Arsimit, studentët janë nisur në drejtim të Kryeministrisë.

Me rroba, valixhe dhe libra në duar, ata i kanë bërë thirrje Ramës që të pranojë të paktën dy kërkesa të tyre: E para, reduktimin e tarifës vjetore, dhe pagesën e kostos vjetor për mjetet teknologjike të mësimit online. “Nuk kemi frikë, do të hyjmë brenda. Deri tani, jemi të pandihmuar, por të paktën të ndihmohemi tani.”, u shpreh njëra nga studentet pjesëmarrëse.

Kujtojmë se studentët e Universitetit të Tiranës si dhe ata të fakulteteve të tjera kanë dalë sot në protestë.

Ata kërkojnë që tarifa e studimit vjetore të përgjysmohet, si dhe të kenë një paketë sociale për qiratë, internetin, librat dhe kostot e jetesës.

Sot fillon dhe viti i ri akademik 2020-2021 ku do të ndjekin fakultetin për herë të parë 21.000 studentë të rinj.

Por pas vendimit të marrë nga Komiteti Teknik i Ekspertëve, universitetet do të jenë të mbyllura dhe mësimi do të ndiqet vetëm online, në kuadër të masave kundër përhapjes së COVID19.