“Nuk e kemi për borxh ti dëgjojmë” Gratë greviste flasin për telefonata kërcënuese: Rama të vijë këtu e të dialogojë

Greva e urisë së grave naftëtare në Ballsh ka hyrë sot në ditën e 22-të.

Ndërkohë gratë janë shprehur të shqetësuara duke thënë se gjendja e tyre shëndetësore por dhe psikologjike po rëndohet.

Ato vazhdojnë të mbajnë qëndrim dhe duket se janë të vendosura deri sa ti plotësohen kushtet që kanë vënë dhe kërkesat.

“Situata janë është e rëndë dhe e vështirë nga ana psikologjike. Po vuajmë për bukën e gojës. Ne duam vetëm bukën e gojës të premtuar nga kryeministri Rama. Faleminderit presidentit qe reagoi sepse kjo jona është greve ekonomike jo politike. Nuk dorëzohemi dhe nuk dalim nga ambientet e qendrës shëndetësorë derisa te marrim lekët”, shprehen gratë greviste.

Por sot ato thanë se kanë marrë edhe mesazhe dhe telefonata kërcënuese me kërkesë për të ndërprerë grevën e urisë.

“Apeli vazhdon ndaj qeverisë dhe ndaj kryeministrit Edi Rama. Kemi pasur mesazhe dhe thirrje me privat dhe këto janë partiake. Nuk kemi për borxhe të dëgjojmë ato telefonata kërcënuese për të lënë grevën. Jemi te ngujuara ekonomikisht. Shpresa eshte që Rama te vije ketu e te dialogojme, “Ja sheshi, ja mejdani “. Ne brenda ne greve ai jashtë në shesh. Ne duhet te jemi pranë familjeve tona jo ketu, ndaj duam nje zgjidhje sa me pare. Deputeti i zonës mos te vij vetëm në Ballsh sa të hajë dreke. Të zbres deri tek gratë e të shikoj çfarë behët. Nga greva nuk dalim”, pohuan grevistet.