Një nga emrat më të mëdhenj të muzikës greke/ Arrestohet këngëtari i njohur, ja çfarë i gjeti policia në makinë

Ai është një nga emrat më të njohur të muzikës greke.

Bëhet fjalë për Notis Sfakianakis, i cili mësohet se ka rënë në prangat e policisë pasi është kapur me një sasi droge dhe armë në makinë.

Mediat greke raportojnë se arrestimi i këngëtarit u bë rreth orës 20:00, kur policia gjatë kontrolleve për masat anti-C.OVID19 ndaloi rastësisht një makinë luksoze, pa patur dijeni që në të ishte artisti i madh.

Por pas kontrollit, uniformat blu gjetën brenda në automjet një armë, rreth dy gram kokainë dhe një pajisje shkarkimi elektrike.

“I kam për sigurinë time”, mësohet se ka thënë Sfakianakis, i cili është treguar mjaft bashkëpunues me policinë.

Ai u dërgua në Departamentin e Sigurisë Argyroupoli – Elliniko, ku u zbulua se armën që ai zotëronte e kishte pa leje.

Artisti i njohur grek përballet me akuzën e posedimit të lëndëve narkotike dhe armëmbajtje pa leje.