Në luftë të përditshme me virusin, mjekët valëvisin flamurin kuq e zi në ballkonet e Infektivit për 28 Nëntor

Ministrja e Shëndetësisë Ogerta Manastirliu ndau në Facebook dy foto nga spitali, aty ku shihet i vendosur në një ballkon flamuri shqiptar.
TIRANË– Mjekët dhe infermierët e spitalit Infektiv nuk kanë harruar të festojnë sadopak festën e 28 Nëntorit. Ishte ministrja e Shëndetësisë Ogerta Manastirliu ajo e cila ndau në Facebook dy foto nga spitali, aty ku shihet i vendosur në një ballkon flamuri shqiptar.

‘Krenari’ shkruan Manastirliu përkrah fotove ku shihen qartë tre mjekë të cilët kanë formuar me duart e tyre shqiponjën.

Sot Shqipëria feston në heshtje shpalljen e Pavarësisë. Kthetrat e pandemisë që na ka kapluar kanë bërë që nëpër sheshe e makina të mos valëvitet flamuri kuqezi dhe ndryshe nga çdo vit tjetër, nuk do të ketë grumbullime të rinjsh e festime masive.