“Ndaloni përdorimin e këtyre ilaçeve” Doktori i bën thirrje personave të infektuar që po kurohen në shtëpi

Mjeku i njohur imunolog Genc Sulçebe ka bërë një thirrje të fortë për  të infektuarit nga virusi që po kurohen në shtëpi.

Sipas tij ata duhet të ndalojnë përdorimin e antibiotikëve dhe kortizonikëve në ditët e para të sëmundjes.

“Stop antibiotikëve stop kortizonikëve, ulin sistemin imunitar. Është një infeksion viral i cili vetëm në 10% jep komlikacione për t’u shtruar në spital dhe 10% janë njerëzit e rrezikuar, meshkujt mbi 60-vjeç, ata me sëmundje shoqëruese, një grup kontigjen që është i rrezikuar.

Të tjerët nuk kanë nevojë të marrin asnjë lloj mjekimi. Sistemi imunitar normal e dominon virusin dhe vetë-shërohet, në rastet ekstreme ky virus mund të japi komplikacione, vetë sistemi imunitar jep një farë bllokimi dhe këtu duhet kortizoniku, vetëm në stadin e vonshëm, pas 10 ditëve. NË 10 ditshin e parë sistemi imunitar reagon dhe e eliminon virusin”, tha mjeku për “Open”.