“Mamaja ime në maj do kishte vdekur” Monika Kryemadhi tregon periudhën e vështirë: Ja si e shpëtoi mjeku i familjes

Kryetarja e LSI Monika Kryemadhi ka folur për situatën e krijuar nga pandemia në vendin tonë.

Teksa rrëfeu dhe një histori që i ka ndodhur me të ëmën, ajo është shprehur se mjekët e familjes duhet të integrohen më shumë.

Kryemadhi u shpreh se mamaja e saj në maj mund të kishte ndërruar jetë dhe se mjeku i familjes e shpëtoi, pasi ajo mendonte se ishte e sëmurë nga stomaku por në fakt ishte nga zemra.

Ishte mjeku i familjes ai që e këshilloi të vizitohej te një kardiolog.

“Mamaja ime në maj do kishte vdekur, sepse mendonte që ishte nga stomaku, por ishte e sëmurë nga zemra. Ishte mjeku i familjes, doktor Maksi, ai që e shpëtoi dhe i tha që duhet të shkonte te një kardiolog. Po të vazhdonte mamaja ime me mendimin e saj, që ishte edhe vetë personel shëndetësor, imagjino një person tjetër”, tha Kryemadhi për programin “Tempora”.