LIGJET E BIZNESIT
Në Argjentinë kanë nisur hetimet për të konstatuar nëse Diego Maradona u vra apo ai vdiq nga një sulm në zemër. Legjenda e futbollit, i cili iu nënshtrua një operacioni në tru për të trajtuar mpiksjen e gjakut rreth dy javë para se të vdiste, u nxor nga spitali 8 ditë pas operacionit dhe u dërgua në shtëpinë e tij në Buenos Aires për të vazhduar me procesin e shërimit.
Një spital privat në Argjentinë ishte kontraktuar për t’u kujdesur për Diego Maradona, por për fat të keq legjenda e futbollit nuk ja doli, duke humbur jetën. Disa ditë pas vdekjes, detaje tronditëse zbulohen nga mediat argjentinase për humbjen e Maradonës.
Përfaqësuesit e tij dhe familjarët kritikonin emergjencën dhe trajtimin mjekësor që ju dha 60 vjeçarit dhe thanë se nëse do të kishte trajtim të shpejtë do ti shpëtohej jeta atij. Tani, thuhet se edhe infermierja që kujdesej në turnin e natës për të ka pranuar se ka gënjyer që ka bërë kontroll rutinë ditën e vdekjes, e cila deklaroi se Maradona ishte në gjendje stabile dhe duke marrë frymë në 6:30 të mëngjesit. Tashmë hetimet kanë nisur nga prokuroria dhe nuk dihet se ç’do zbulohet në lidhje me këtë hipotezë.
