LIGJET E BIZNESIT
Në kohën që e gjithë bota po pret për një zgjidhje, deri më tani të paktën 3 vaksina anti-C.OVID presin të certifikohen dhe të nisë prodhimi masiv i tyre.
Por një pyetje që shtrohet në vendin tonë, padyshim është se kur ajo do të mbërrijë këtu.
Ndërkohë ditën e sotme gjatë seancës në Kuvend, kryeministri Edi Rama u shpreh se Shqipëria ka paguar kapar për vaksinën anti-Covid dhe qeveria po komunikon çdo ditë me Bashkimin Europian për të pasur akses në vaksinën e shumëkërkuar.
“Sot Qeveria shqiptare ka paguar edhe kaparin për Covax. Ka hyrë në rrjetin e shteteve që kanë prenotuar financiarisht aksesin në vaksinën që pritet të dalë për përdorim masiv në muajit që vijnë.
Jemi në komunikim të përditshëm me BE, kam pasur bisedë të gjatë me presidenten, disa nga kryeministrat për të garantuar qartësi dhe siguri për aksesin në vaksinimin e popullsisë, duke marrë parasysh që vaksina do të dalë për sasitë e disponueshme nuk do të jenë menjëherë të atilla që do të mbulojnë të gjithë popullsinë e Evropës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ne kemi të njëjtën strategji për vaksinimin falas te grupet vulnerabël dhe për ta shtrirë të gjitha shtresat e shoqërisë. Sot jemi gati për të patur akses, dhe po punojmë për të patur aleancat e duhura, jam optimist që BE do të jetë gjithëpërfshirës në strategjinë e vet për të garantuar vaksinimin e popullsive dhe Shqipëria do të jetë pjesë”, deklaroi Kryeministri.
