Komisioni i Veprimtarisë Prodhuese ka miratuar projektligjin për Censin e Popullsisë dhe të Banesave, por nuk kanë munguar debatet për propozimin e deputetit të PS, Ilir Beqja. Ai kërkoi që në pyetësor të përfshihej dhe pyetja për orientimin seksual të qytetarëve, për të cilin drejtoresha e Statistikave sociale tha se përfshihet në anketime.
“A ka ardhur momenti që në 2020, përveç se ti pyesim njerëzit për orientimin seksual”, ishte kjo pyetja e deputetit Beqaj e ngritur me 21 Tetor po në komisionin e veprimtarisë.
“Për gjininë do të mblidhet informacion për meshkujt dhe për femrat, duhet të regjistrohet në pyetësorin e censin dhe është shumë e rëndësishme për të dhënat gjinore për të ardhmen. Në manual thuhet se disa shtete kanë filluar të përfshijnë edhe gjininë shtesë. Por kryesisht vendet këtë e mbledhin me anketa sociale”, u përgjigj Drejtoresha e Statistikave Sociale, Majlinda Nesturi.
Për pyetjen e Beqjas reagoi edhe Gjuzi duke thënë: “Zoti kryetar në këtë rast Beqaj ka konflikt interesi dhe më duket se është brenda grupit LGBTI dhe nëse është nuk ka problem por të paketën ta deklarojë hapur dhe jo vetëm në rastin e censin”.
Ndërsa Beqaj iu përgjigj: “Koleg, nëse do ti referohesh regjistrave të gjendjes civile ka 3 historikisht shënime, M, F dhe H që është për ato raste kur nga pikëpamja morfologjike, një qenie e gjallë i ka të dy organet gjenitale por hormonet e një gjinie prevalojnë mbi hormonet e tjera, pra është një gjë e njohur prej shumë kohësh”, dhe më pas mori telefonin për të bërë një bisedë ndërsa vijonte komisioni.
Projektligji për Censin e Popullsisë dhe të Banesave ishte parashikuar për tu zhvilluar këtë vit por që si pasojë e pandemisë është shtyrë për në vitin e ardhshëm.
Ky projektligj synon të bëjë regjistrimin e popullsisë dhe banesave në Shqipëri. Censi është parashikuar të zgjasë dy muaj me një kosto prej rreth 16 milionë euro. Censi i fundit është zhvilluar në vitin 2011, ku rezultoi se popullsia banuese ishte 2,821,977, me një rënie prej 8%, nga Censi 2001./Faxweb
