LIGJET E BIZNESIT
Kryetarja e Lëvizjes Socialiste për Integrim, Monika Kryemadhi është gjobitur për herë të dytë nga policia për mosmbajtjen e maskës.
Ajo është përplasur me efektivët, gjatë një takimi që pati me qytetarët në Durrës.
Njësoj si më parë, ajo ndodhej në rrugë pa maskë, dhe kjo ka qenë pikërisht arsyeja që ka nisur debati.
Polici i ka kërkuar kartën e identitetit Kryemadhit, e cila ka zgjedhur t’ja japë të dhënat verbalisht.
“Unë jam Monika Kryemadhi vëlla, e bija e Ramazan Kryemadhit, vërë atë 30 mijë lekëshin tënd,”- dëgjohet të thotë kryetarja e LSI-së.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gjithashtu në debat është përfshirë dhe Elona Guri, e cila ishte së bashku me Kryemadhin.
“Përse shqetësoheni kaq shumë për shëndetin tonë?’- thotë ajo teksa flet me një prej efektivëve.
Një prej të moshuarave, banore e zonës, ndërhyri gjithashtu.
‘Para se të shqetësoheni për maskat ju, pse nuk mendoni për mua që kam një vit këtu e nuk më vjen njëri…..ka një vit që më iku goca në dhe,”- thotë gruaja.
Më pas, Kryemadhi firmosi gjobën teksa u dëgjua të thotë por e shkruajti dhe në fletën e gjobës fjalinë: Do t’ja çjerrim maskën Edi Ramës.
