Ja deri kur do qendrojmë të mbyllur/ Eksperti në Greqi bën paralajmërimin e hidhur

Greqia nga dita në ditë po merr masa më të ashpra për të parandaluar përhapjen e CO VID-19. Autoritetet janë të shqetësuara, sepse situata nuk po përmirësohet. Madje në Selanik, mjekët kanë dhënë alarmin se nuk ka më shtretër të lirë në spitale.

Profesori i sëmundjeve infektive në Greqi Nikos Sypsas tha se kur mund të lehtësohen masat anti-Co vid në vend.

Ai u shpreh se edhe pse numri i rasteve me koronavirus mund të ketë rënë nën 3,000, indeksi i rasteve pozitive vijon të jetë 10%, ndërsa kufiri është 4%.

Po ashtu, Sypsas theksoi se është ulur mosha mesatare e pacientëve të intubuar nga 75 në 65, ndërsa shtoi e njëjta gjë ndodhi në Itali.

Sypsas u shpreh se më 30 nëntor numrat do të jenë ulur, por edhe nëse hiqet karantina shton ai,do të ketë mbyllje përsëri pas një ose dy javësh.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Ne duhet të jemi të përgatitur për një dimër të vështirë dhe mbyllje deri në pranverë”, tha profesori për mediat.

Ai shtoi se kur presioni i madh mbi mjekët të zvogëlohet dhe kur të ketë shtretër të lirë, vetëm atëherë mund të mendohet për lehtësim të masave./faxweb