Ishte shpallur në kërkim/ Policia arreston vlonjaten, shfrytëzonte një vajzë për pr*stitucion (EMRI)

Policia ka arrestuar sot një 43-vjeçare nga Vlora të shpallur në kërkim.

Mësohet se ajo është Ana Qendro, dhe gjykata e Apelit Vlorë e ka dënuar me 8 vite burg për veprën penale “Shfrytëzim prostitucioni”.

Qendro ishte shpallur në kërkim nga policia pasi në datën 07.04.2017, shtetasja Xh. D. ka bërë kallëzim se është shfrytëzuar për prostitucion nga shtetasja Ana Qendro.

Kjo e fundit ka qenë e dënuar më parë për veprat penale “Prodhimi dhe shitja e narkotikëve” dhe “Vjedhja”.

NJOFTIMI ZYRTAR I POLICISE

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Vijon puna për kapjen e personave në kërkim dhe vënien e tyre para përgjegjësisë ligjore. Kapet dhe ndalohet një shtetase në kërkim kombëtar, e dënuar për shfrytëzim prostitucioni. 43-vjeçarja e ndaluar, e dënuar edhe më parë, për vjedhje dhe prodhim e shtije narkotikësh.

Specialistët për Hetimin e Krimeve në Komisariatin e Policisë Delvinë, në vijim të punës për kapjen e personave në kërkim dhe vënien e tyre para përgjegjësisë ligjore, kanë kapur dhe ndaluar shtetasen në kërkim Ana Qendro, 43 vjeçe, banuese në Kurbin, të cilën Gjykata e Apelit Vlorë e ka dënuar me 8 vite burg, për veprën penale “Shfrytëzim prostitucioni”.

Kjo shtetase ishte shpallur në kërkim, pasi në datën 07.04.2017, shtetasja Xh. D. ka bërë kallëzim se është shfrytëzuar për prostitucion nga shtetasja Ana Qendro.

Shtetasja Ana Qendro ka qenë e dënuar më parë për veprat penale “Prodhimi dhe shitja e narkotikëve” dhe “Vjedhja”.