“Hape qesen” Dalin detajet, ja si u arrestua këngëtari Notis Sfakianiakis teksa udhëtonte me makinën luksoze

Lajmi që bëri më shumë bujë dje ndër mediat greke ishte arrestimi i këngëtarit të njohur Notis Sfakianakis.

Ndërkohë kanë dalë më shumë detaje rreth prangosjes së tij.

Prothothema bën me dije se ylli i muzikës është ndaluar rreth orës 08.00 (me orën lokale) të një nate më parë, teksa po shkonte në shtëpinë e tij.

Në një pikë kontrolli të ngritur për shkak të masave anti-C.OVID19, policia pa makinën luksoze Range Rover”, të kalonte dhe e ndaloi për një kontroll rutinë, pa e ditur aspak se kush ishte brenda tij.

I qetë dhe pa bërë asnjë reagim paniku, Sfakianakis hapi krahun dhe iu bind urdhërit të efektivëve.

Ai dorëzoi dokumentet e makinës por njëri prej policëve pikasi me sy një qese në sediljen e pasme të makinës dhe i kërkoi këngëtarit që ta hapte.

“Hape qesen,”- mësohet të ketë thënë polici, fjali që ka ‘fundosur’ yllin e muzikës.

Kontrolli i qeses, zbuloi armën dhe dy gramë kokainë. Mëngjesin e sotëm, Notis Sfakianakis pritet të dërgohet në prokurori. Paraprakisht për armën, Sfakianakis është shprehur se e mban për sigurinë e tij.