LIGJET E BIZNESIT
Situata për shkak të pandemisë paraqitet shqetësuese dhe në Greqi.
Ndërkohë që vendi ka rihyrë në karantinë për të dytën herë dhe masat janë shtrënguar, emigrantët kanë reaguar në lidhje me pezullimin e shërbimit të Ambasadës Shqiptarë në Athinë.
Por mënjeherë pas kësaj shërbimi diplomatik në Greqi ka nxjerrë një njoftim zyrtar.
Ambasada shqiptare në Athinë ka bërë me dije se do të vazhdojë normalisht shërbimin e saj, dhe nuk do të mbyllë shërbimin konsullor nga data 9 deri në 30 nëntor, siç kishte paralajmëruar më parë.
Vendimi për mbylljen e sporteleve ishte bazuar në vendimin e qeverisë greke për lockdoën e përgjithshëm, i cili kufizon shërbimet dhe lëvizjet në territorin grek.
Po punohet shtrirja e takimeve për aplikimet të jetë në distancë te saktë kohore nga takimi i rradhës,ndërsa personeli do të mbajë distancë dhe do të marrë masa të forta sigurie, siç janë maskat,mburojat e fytyrës dhe dorezat.
Edhe ambientet do të dezifektohen disa herë në ditë,ndërsa masa janë marrë edhe për termometrimin e personave që do të hyjnë brenda ambienteve të përfaqësive tona diplomatike në Greqi.
