E pazakontë në Zvicër/ Shqiptari gjen çantën e braktisur plot me para, por ajo që bën në fund i habit të gjithë

Një ngjarje e pazakontë ka ndodhur në Zvicër me protagonist një shqiptar nga Kosova.

Mësohet se ky i fundit ka bërë një gjest shumë bujar, duke tërhequr dhe vëmendjen e mediave zvicerane.

I riu quhet Eduard Latifi, i cili ka gjetur një çantë të braktisur para një dyqani.

Ngjarja ndodhi të premten e kaluar.

Latifi ishte së bashku me gruan dhe djalin e tij të vogël në Arbon të “Premten e Zezë” kur para një dyqani vërejti një çantë me ngjyrë të kuqe.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Unë menjëherë mendova se dikush e kishte humbur atë. E hapa për të parë nëse kishte diçka të dyshimtë. Kur e hapa, pashë se kishte shumë para në të.Më zuri paniku kur pashë të gjitha ato para. Gruaja ime më tha që të qetësohem. Prita për disa minuta aty me idenë se pronari mund të kthehej dhe ta merrte në të njëjtin vend. Më pas u nisa në Polici dhe e dorëzova çantën”, ka thënë shqiptari.

Por për gjestin shembullor, Latifi është shpërblyer nga pronarja e çantës, e cila i kishte dhënë menjëherë 100 franga bakshish.

Nga ana tjetër dhe policia e kantonit Thurgau e ka konfimuar historinë në fjalë.

“Pronari i çantës së kuqe është një grua e moshuar. Ajo ishte në gjendje të identifikonte veten si pronare të parave dhe ne i dhamë asaj çantën dhe përmbajtjen e saj”, është shprehur zëdhënësi i policisë.