“Duhet të mbyllen sa më parë” Pipero jep porositë e rradhës: Ja dy përhapësit kryesorë të virusit

Mjeku infeksionist Pëllumb Pipero ka dhënë porositë e rradhës përsa i përket kujdesit që duhet të kenë të gjithë për të ndaluar përhapjen e C.OVID19.

Sipas tij dy burimet kryesore që ndikojnë në infektim janë familja dhe lokalet.

Pipero bëri thirrje që njerëzit që qëndrojnë sa më pak në lokale.

“Situata që po përjetojmë do më shumë kujdes, mirëkuptim. Ndoshta lokalet duhet të mbyllen pak më herët, janë në mendimin tim, lokalet dhe familja binomi më i madh i transmetimit.

Fatmirësisht pjesa dërmuese e rasteve e kalojnë Covid-19 pa simptoma, ose shumë lehtë, por kemi edhe raste të rënda.

Jo vetëm në Shqipëri, por edhe në vendet e rajonit dhe më gjerë, ka një shtim të rasteve të reja, atyre që kërkojnë trajtim spitalor, por edhe numrit të vdekjeve. Është një situatë alarmante, për të cilën duhet të them se duhet të respektohen masat. Jam kundër lockdown, pasi nuk është zgjidhje, por masat duhen respektuar. Ajo që po vëmë re me pacientët në spitale është fakti se shumë prej tyre janë me diabet të fshehur”, u shpreh mjeku i njohur për ABC News.