Do kemi izolim të dytë? Komiteti i Ekspertëve del në konferencë të jashtëzakonshme, ja çfarë pritet të ndodhë

Në kohën që vendi ynë shënon shifra të larta të infektuarish dhe humbje jete për shkak të koronavirusit, Komiteti Teknik i Ekspertëve ka vendosur të dalë sot në një deklaratë për media.

Kjo e fundit është parashikuar të mbahet në orën 15:30.

Ndonëse ende nuk dihen detaje, me shumë mundësi do të prezantohen masa të reja parandaluese.

Deri më tani në Shqipëri, të vetmet masa shtrënguese janë ato të mbajtjes së maskës me detyrim si dhe mbyllja e konvikteve dhe universiteteve.

Kujtojmë se në njoftimin e fundit, Komiteti Teknik paralajmëroi mbylljen e bareve dhe restoranteve në zonën e Ish-Bllokut në Tiranë pas orës 22:00.