LIGJET E BIZNESIT
Një lajm tronditës vjen për presidentin Rus Vladimir Putin.
Sipas të përditshmes britanike “the Sun”, ai do të largohet nga posti në janar 2021 për shkak se vuan nga sëmundja e parkinsonit.
Media e njohur bën me dije se kërkesën për të dalë në pension ja ka bërë e dashura e tij, gjimnastja 37-vjeçare Alina Kabaeva, e cila ka sjellë në jetë dhe dy binjakë pak kohë më parë, ndërsa që prej asaj kohe nuk është shfaqur më në publik.
Videot e publikuara së fundmi tregojnë se 68-vjeçari ka vështirësi në lëvizje, ndërkohë që një gjë e tillë nuk është konfimuar nga vetë Putin.
Vëzhguesit që studiuan pamjet e fundit të Putinit vunë re se këmbët e tij dukeshin të ishin në lëvizje të vazhdueshme dhe ai dukej se kishte dhimbje ndërsa mbërthente krahun e karriges.
Gishtat e tij gjithashtu shihen se dridhen ndërsa mbante një stilolaps dhe mbërthente një filxhan që besohej se përmbante një koktej qetësues.
Burimet thonë për gazetën se Putin po nxiton të kalojë një legjislacion që do e bëjë atë senator të përjetshëm.
Kjo do i japë benefitet shtetërore deri në vdekje, sikundër do i ofrojë imunitet nga ndjekja penale, në rast se më pas do të mund të niset ndonjë hetim ndaj tij.
