LIGJET E BIZNESIT
Një ditë pasi dha dorëheqjen nga posti i Presidentit të Kosovës, EULEX ka nisur bastisjen e shtëpisë së Hashim Thaçit.
Mësohet se e njëjta procedurë po ndodh dhe në banesën e ish-kryetarit të PDK, Kadri Veseli.
Kjo ka ndodhur pasi Gjykata Speciale në Hagë ka konfirmuar aktakuzat ndaj tyre, ndërsa nuk dihet nëse do të ketë bastisje edhe në shtëpinë e Rexhep Selimit, i cili ashtu si Thaçi dhe Veseli është i akuzuar nga “Specialja”.
Zyrtarë të EULEX-it janë parë sot të kenë hyrë edhe brenda selisë së Partisë Demokratike të Kosovës në Prishtinë, ndërsa Policia e Kosovës është parë jashtë objektit.
Kujtojmë se prej ditës së djeshme 3 ish-drejtuesit e UÇK-së gjenden në dhomat e paraburgimit në Hagë, ndërsa të akuzuar janë edhe 8 ish luftëtarë të tjerë të Ushtrisë Çlirimtare të Kosovës, mes tyre edhe Fatmir Limaj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
