LIGJET E BIZNESIT
Ditën e djeshme Greqia vendosi të mbyllë pikën kufitare të Kapshticës.
Kjo i gjeti të papërgatitur shoferët dhe transportuesit e mallrave, dhe për pasojë është krijuar rradhë e gjatë e kamionëve në këtë pikë.
Kamionistët ankohen se nuk ishin lajmëruar se ata nuk do të lejoheshin, duke treguar se ata janë lejuar gjithmonë të punojnë në çdo kohë.
Ndërkohë Policia Kufitare e Kapshticës ka reaguar lidhur me këtë situatë të krijuar.
Në të thuhet se autoritetet e Policisë Greke, në bazë të një njoftimi zyrtar që i kanë dërguar Policisë Kufitare Kapshticë, sqarojnë se në zbatim të vendimit të qeverisë greke për marrjen e masave, mbi përballimin e situatës së krijuar për shkak të pandemisë COVID-19, prej datës 20.11.2020, ora 06:00 e mëngjesit, deri në datën 04.12.2020, Pika e Kalimit Kufitar Kapshticë, do të jetë e bllokuar dhe nuk do të lejohet lëvizja e këmbësorëve dhe e mjeteve (vetura, autobusa dhe kamiona) si në hyrje dhe në dalje të Greqisë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Policia Kufitare e Kapshticës, iu bën thirrje të gjithë qytetarëve që duan të udhëtojnë drejt Greqisë, që gjatë këtij harku kohor, të shmangin udhëtimin në drejtim të kësaj pike kalimi.
Përgjatë aksit rrugor Korçë-Kapshticë, do të ketë forca policie të cilat do të mbikqyrin situatën dhe nuk do të lejojnë kalimin e mjeteve, në drejtim të Kapshticës.
