Vrasjet makabre në Malsinë e Madhe/ Mbërrin në Gjykatën e Shkodrës Rrok Pepaj

Ditën e sotme Gjykata e Shkodrës pritet të jepë masën e sigurisë për Rrok Pepajn, babain e Danjel Pepaj, që akuzohet për dy vrasjet në Malësinë e Madhe. Rrok Pepaj ka mbërritur pak minuta më parë në ambientet e kësaj gjykate, i rrethuar nga forca të shumta policie.

Babai i Danjel Pepajt u arrestua më 9 tetor, në banesën e tij në fshatin Vrith, teksa ndodhej i ngujuar. Ai akuzohet se në fshatin Vrith, në bashkëpunim me djalin e tij, kanë kultivuar 29 bimë nartoktike, drogë e cila u bë shkak edhe për vrasjet.

Ndërkohë, ka dyshime se Rrok Pepaj ka pasur djeni për vrasjen e Vilson Çutajt, 37 vjeç dhe Klement Pepaj, 21 vjeç, të cilat i kreu i biri, Danjeli. Madje ai ka strehuar edhe të birin pas krimit të rëndë dhe akuzohet edhe për dëshmi të rreme.

Dy kufomat e të rinjve u gjetën disa ditë më parë, të mbuluar me shkurre dhe larg njëri-tjetrit, pas më shumë se 5 ditësh kërkime në zonë.Dosja.al

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern