Vijon ‘lufta’/ Kuvendi i jep goditjen e rradhës presidentit Meta, ja vendimi që u mor

Vijon të thellohet ‘lufta’ mes presidentit Ilir Meta dhe mazhorancës.

Në seancën e sotme Kuvendi ka rrëzuar dekretin e Metës për shqyrtimin e Kodit Zgjedhor të miratuar nga shumica pa dakordësimin e opozitës jashtë parlamentit.

Kanë qenë gjithsej 96 deputetë që votuan pro rrëzimit të dekretit të Kreut të Shtetit.

Kjo i hap rrugë Kodit të ri Zgjedhor të hyjë automatikisht në fuqi pa ndryshimet që kërkonte presidenti Ilir Meta dhe opozita jashtëparlamentare.

Me rrëzimin e dekretit tashmë mbetet në fuqi formula e koalicioneve ku partitë duhet të grupojnë kandidatët në një listë të vetme.

Ashtu siç ishte njoftuar edhe më herët kuvendi ka votuar sërish ndryshimet në kodin zgjedhor, që tashmë pritet të hyjnë në fuqi pas botimit në fletoren zyrtare.