LIGJET E BIZNESIT
Mediat britanike njoftonin sot me humor masën e fundit anti-Covid të kryeminsitrit Boris Johnson për ndalimin e seksit mes njerëzve që nuk banojnë në një shtëpi në zonat me izolim të kategorisë së dytë dhe të tretë.
Sipas autoriteteve çiftet që nuk jetojnë bashkë në zona si që prej jugut të Londrës deri në veri të Anglisë në Northumberland nuk mund të takohen për të bërë seks në shtëpitë e tyre.
Vendimi aplikohet për zonat e njohura si në “kategori dy dhe tre të izolimit” të koronavirusit.
Ata që jetojnë me partnerët e tyre nuk preken nga masa por kushdo që merr në shtëpi të dashurën apo të dashurin e ri, do të penalizohet. I njëjti ligj ishte vendosur edhe në verë në Britani, për të gjithë vendin.
Gjithsesi policia tha se nuk do të hyjë me forcë në shtëpia për të zbatuar masën.
Masa nuk është preferuar aspak nga popullata ‘single’ dhe ata që për momentin nuk jetojnë bashkë.
Rregullat e reja në Britani parashikojnë që në zonat e përcaktuara me rrezikshmëri infeksioni, njerëz të shtëpive të ndryshme nuk mund të përzihen me njëri-tjetrin, si në publik apo në shtëpitë private.
Mes përjashtimeve përfshihen njerëz kanë nevojë për kujdesje apo kujdestarët e fëmijëve.
Në lidhje me kontaktet mes çifteve, legjislacioni kishte një “përjashtim” ku thuhej se lejoheshin kontaktet mes dy partnerëve nëse ata kishin “një marrdhënie të qëndrueshme”. Por nuk kishte shumë udhëzime mbi atë që mund të quhet e tillë nga departamenti i shëndetësisë.
Në udhëzime shtohej: “Nëse dëshironi kontakte të afërta me dikë, duhet të diskutoni sesi të parandaloni rreziqet e transmetimit, si për shembull të evitoni kontaktet me njerëz me të cilët nuk jetoni”.
