U largua nga “Portokallia”/ Reagon për herë të parë Xhemi: Ja kush do të më mungojë më shumë

Një nga lajmet që ka bërë më shumë bujë kohët e fundit është dhe largimi i moderatores Xhemi Shehu nga drejtimi i spektaklit “Portokalli”.

Ndërkohë, së fundmi ajo ka reaguar për këtë gjë me anë të një videoje në Instagram, në të cilën shfaqet në krah të Salsano Rrapit.

“Shuuumë suksese skuadrës ‘Portokalli’ sonte, do të më mungojë shumë puna me ju e sidomos me ty Salsano Rrapi”,- ka shkruar bukuroshja krahas videos.

Xhemi reagoi në prag të puntatës së parë të këtij sezoni, i cili do të moderohet nga Eneda Tarifa.

Por, postimi i saj u komentua shumë nga ndjekësit, të cilët shprehen se do t’i mungojë dhe do t’i marrë malli.

Por, mes komenteve të shumta, ra në sy njëri: “Vetë u largove, nuk të hoqi njeri”.

Përgjigja e Xhemit nuk ka vonuar: “Edhe s’duhet të më mungojë pse ika vetë, kështu?!”.