Një shpërthim i fuqishëm është regjistruar mëngjesin e sotëm në Durrës.
Ngjarja e rëndë ka ndodhur në zonën e Fllakës, rreth orës 05:35.
Sipas njoftimit zyrtar të uniformave blu, persona ende të paidentifikuar kanë vendosur lëndë plasëse (tritol) në pjesën e jashtme të një banese që rezulton në pronësi të shtetasit me iniciale B.N.
Nga shpërthimi ka pasur vetëm dëme materiale, pasi aktualisht në atë shtëpi nuk banon askush.
Ende nuk dihet nëse tritoli është vendosur në shenjë paralajmërimi për pronarin e kësaj banesë, si pasojë e ndonjë konflikti që ka patur më parë.
Policia ka shoqëruar disa persona dhe janë sekuestruar kamerat e sigurisë të zonave përreth në mënyrë që të zbardhet ngjarja.
NJOFTIMI ZYRTAR I POLICISE
Më datë 08.10.2020, rreth orës 05:35, në pjesën e jashtme të banesës së shtetasit B.N.,(e pabanueshme), në Fllakë, ka shpërthyer një sasi e vogël lëndë plasëse, nga e cila ka vetëm dëme të vogla materiale. Janë shoqëruar në ambientet e Policisë disa persona të dyshuar për këtë ngjarje. Grupi hetimor po punon për zbardhjen e ngjarjes, identifikimin dhe kapjen e autorit.