“Ti polic ke qenë dhe ke mbetur” Përplasje mes Lleshajt dhe Murrizit në Kuvend: Ik o Sandër mos bëj dërr dërr

Një përplasje e ashpër ka ndodhur sot në Kuvend mes deputetit të opozitës së re Myslym Murrizi dhe ministrit të Brendshëm Sandër Lleshaj.

Debati nisi pas akuzave që Murrizi ka lëshuar për ministrin dhe drejtuesit e Policisë së Shtetit, ku tha se po e përdorin atë për propagandë dhe për të frikësuar qytetarët.

“Nëse deputetët shkelin ligjin… Nëse ti kërkon të bësh politikë dhe kërkron të fitosh pikë, ta harrosh. Nuk mund të fitosh pikë përballë Policisë. Po çfarë je ti more”, u shpreh Lleshaj.

Më pas Murrizi e ka ndërprerë disa herë, por ka qenë e pamundur të dëgjoheshin fjalët pasi deputeti ishte pa mikrofon.

DEBATI:

Lleshaj: Unë s’dua të jem i ngjashëm fare me ty. Ti polic ke qenë dhe polic ke mbetur.  Mos mendo se do fitosh pikë me policiën. Je Policië. Ke qenë policë. Ke dështuar me policinë financiare. Harroje këtë intimidim ndaj Policisë. Zbato ligjin. Zbato ligjin se përballë ligjit je askushi

Murrizi: Ik o Sandër bëj dër dër andej… (Ngre zërin)

Lleshaj: Po rri mor ti, po rri mor ti. Mos u përpiq të trashësh zërin se e ke organikisht të pamundur ta trashësh.Sidomos me mua. E ke të vështirë ta trashësh zërin… Po ti se di nga jam unë more. ..