“Temperaturat do të rriten” Meteorologia zbulon surprizat që na presin: Ja si do jetë moti në muajin nëntor

Së fundmi meteorologia e njohur Adiola Bani ka folur në lidhje me motin në vendin tonë gjatë fundjavës dhe atë që na pret në muajin nëntor.

Sipas saj java do të jetë e karakterizuar me diell dhe mot të kthjellët, pavarësisht se mëngjeset do të jenë të freskëta.

“Kjo javë do të jetë me mot të kthjellët deri ditën e premte. Fundjava pritet të ketë prezencë të vranësirave dhe ndonjë shi, por në zona të izoluara.

Në mëngjes ka pasur vlera të ulëta me 2 apo 3 gradë celsius që në mesditë të shkojë 22 apo 23. Por duke nisur nga nesër vlerat do të rriten disi në mëngjes, do të shkojnë në 4 apo 5 gradë, ndërsa në mesditë temperaturat pritet të shkojnë deri në 23 gradë celsius”,- tha sinoptikania.

Gjithashtu ajo u shpreh se edhe muaji nëntor pritet të jetë i kthjellët kryesisht me temperatura tipike të stinës. “Në nëntor presim të ketë vlera tipike të muajit. Do ketë edhe ditë më të freskëta, por në përgjithësi do jenë të kthjellëta”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern