LIGJET E BIZNESIT
Një super gafë e administratës së Kuvendit të Shqipërisë nuk kaloi pa marrë vëmendjen e deputetit Murrizi i cili gjatë fjalës së tij në Kuvend tha me ironi se uron Lleshajn për detyrën e re.
Në foton e publikuar shihet qartë se Lleshaj, i cili aktualisht mban postin e Ministrit të Brendshëm është cilësuar si deputet.
Gabimi është bërë sot gjatë seancës plenare, ku ka marrë pjesë edhe Komisioneri për Zgjerimin, Oliver Varhelyi, i cili ka sjellë në Shqipëri progres raportin për çeljen e negociatave me Bashkimin Europian.
Në fjalimin e tij, Komisioneri vlerësoi përpjekjet për çeljen e negociatave me BE dhe kërkoi implementimin e Reformës Zgjedhore. Ndërkohë nuk munguan debatet dhe përplasjet mes deputetëve. Deputeti Myslim Murrizi paralajmëroi shkarkimin e ministrit Lleshaj, ndërsa Spiropali akuzoi kundërshtarat politikë se po bashkëpunojnë me krimin.
