Shpikja më e re/ Ky është testi i thjeshtë i frymëmarrjes që mund të zbulojë COVID19 për një minutë

Në kohën që bota po vuan ende nga pandemia e COVID19 dhe shifrat e larta të të infektuarve, shtete të ndryshme janë në garë për zbulimin e vaksinës që pritet të normalizojë situatën.

Por përpara se të arrihet kjo, duhet një identifikim i shpejtë i personave që vërteton nëse njerëzit janë të prekur nga koronavirusi apo jo.

Shpikja më e fundit vjen nga shkencëtarët britanikë, të cilët pretendojnë se kanë krijuar një pajisje e cila e nxjerr rezultatin brenda një minute.

Testi bëhet fare thjeshtë, përmes një fryrje, e njëjtë si me testin e alkoolit. Madje, ajo identifikon edhe sëmundjen e frymëmarrjes si astma dhe gripi.  E gjitha përmes ‘biomarkerë’ që janë më të bollshme në frymëmarrjen e njerëzve me Covid-19, por jo të njerëzve me këto kushte të tjera të frymëmarrjes.

I zhvilluar si pjesë e një projekti të quajtur TOXI-Triage, testi është më pak invaziv sesa dy testet kryesore për zbulimin e Covid-19, zbulimi i antigjenit dhe PCR, që përfshijnë tamponët nga kampionët e gjakut.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Studiuesit thanë se metoda e tyre mund të përmirësojë përvojën e marrjes së një testi koronavirus dhe të luajë një rol të rëndësishëm në rifillimin e ekonomisë.

Shkencëtarët shpresojnë që zhvillimi dhe vërtetimi i qasjes së tyre mund të lejojë diagnostikimin e shpejtë të Covid-19 në sezonet e ardhshme të gripit endemik.