Sërish lajme të këqija, Greqia merr vendimin e ri për kufirin me Shqipërinë

Greqia shtyn sërish mbylljen e kufirit me Shqipërinë për shkak të pandemisë së koronavirusit.

Në një postim në rrjetet sociale ambasada greke në Shqipëri thote se “bazuar në të dhënat epidemiologjike, masat kufizuese tashmë në fuqi për personat që hyjnë nga Shqipëria në Greqi, zgjaten siç janë deri më 25 tetor”.

Kështu, sipas njoftimeve të mëparshme, do vijojnë të kenë mundësi të kalojnë kufirin për në Greqi, përmes dy pikave kufitare, shtetasit që kanë leje qëndrimi në Greqi, shtetasit grekë dhe punonjësit sezonalë, e ndalohet të udhëtojnë personat për qëllime turistike.

Mbetet në fuqi masa e testit negativ pcr covid 19 jo më herët se 72 orë para udhëtimit,mbetet forma e udhëtimit jo më vonë se 24 orë para udhëtimit,doganat mes dy vendeve do të mbyllen në orën 23 deri në 07 të mëngjesit cdo ditë, mbetet në fuqi numri i personave që do të lejohet të kalojnë në Kakavijë 750 persona dhe 300 në Kapshticë, ndërsa të gjithë udhëtarët që hyjnë në Greqi, duhet të karantinohen për 7 ditë në banesën e tyre.

Greqia ka marrë masa shtesë edhe në brendësi të vendit, mbas shtimit të ndjeshëm të rasteve me covid.

Masat janë të karakterit lokal dhe ndryshojnë nga zona në zonë,ndërsa qeverria ka vënë në funksionim edhe një platformë digjitale,në të cilën cdo qytetar mund të hyjë dhe duke përdorur kodin postar të zonës që ai interesohet, mund të lexojë edhe masat kufizuese që autoritetet kanë vendosur në atë zonë.