“Pret që unë të largohem nga jeta” Befason Rama, zbulon ‘planin’ e Bashës për të ardhur në pushtet

Kryeministri Edi Rama po mban fjalim në seancën e sotme parlamentare.

Ndër të tjera ai ka folur dhe për situatën politike në vend.

Kreu i qeverisë deklaroi me ironi se kryetari i Partisë Demokratike Lulzim Basha po pret që të bëhet rrotacion biologjik për të ardhur në pushtet, duke pritur kështu ndarjen nga jeta të kryeministrit.

Ndër të tjera ai shtoi se Meta nuk ka vlerësim për deputetët e Kuvendit.

“Sipas Ilir Metës, ky parlament nuk ka ilegjimitet për të bërë punën e tij. Sipas Metës, iu që jeni këtu iu kam sjellë unë me Taulant Ballën dhe disa alienë. Iu kemi gjetur në hënë, në Mars dhe në Jupiter. Në fakt jo, gjithë që jeni këtu keni ardhur me firmën e Bashës dhe Kryemadhit. Ata kanë firmosur për ju.

Madje për disa nga ju ka firmosur doktor Peço Vasili. Tani Meta thotë ju nuk ekzistoni. Sipas meje, ju jeni aksident i dobishëm. Keni arritur të bëni ata që nuk do bënim dot po të ishte Monika, Luli dhe shokët e tyre. Luli pret që biologjia të kryejë rrotacionin. Unë të largohem nga jeta dhe Luli të bëhet kryeministër.

Stragjegjia është prit biologjinë, ndërkohë bën hajgare me aritmetikën. Se e tha sot e dëgjuat? 60-15 bëjnë 50.”, u shpreh kryeministri.