Përplasje, thirrje të forta dhe lot në sy! Naftëtarët bëjnë veprimin e fundit

Naftëtarët e Ballshit kanë dalë sot në protestë para Uzinës dhe kërkojnë të marrin librezat e punës.

“Do futemi aty, të vijë pronari. Të na japi liberzat. Kryeministri të mos dali në studio e të thotë mos u mërzisni. Ç’i duan nga 3 milion lek ata depuetë atje. Çi duan ata ato lekë. Turpi do t’i mbulojë. Turpi do t’i mbulojë”, tha një prej naftëtarëve.

“Janë 1 mijë familje pa bukë. Na mbytën mafiozët. Të vijë këtu kryeministri i Shqipërisë. Të na japi përgjigje”, tha një tjetër.

Ndërkohë, një punonjëse e Rafinerisë i kërkoi Ramës e Metës “të mos luajnë” me njëri-tjetrin por të shikojnë hallet e qytetarëve. “I bëjmë thirrje Kryeministrit dhe Presidentit të mos luajnë me njëri-tjetrin por të shikojnë hallet e popullit”, u shpreh ajo.

Pas 16 ditësh në grevë urie dhe pa asnjë reagim nga qeveria dhe deputetët e zonës, një naftëtar me lot në sy ka kërkuar të marrë librezën e punës e të largohet nga Shqipëria. “Të na japin librezat dhe të zhdukemi nga ky vend e të mos dukemi më”, tha ai.