Përgjaket mbremja, kërcet arma e zjarrit në Tropojë

Të shtëna me armë zjarri janë dëgjuar mbrëmjen e sotme në Tropojë, ku për pasojë ka mbetur i plagosur një 35-vjeçar. Pas një konflikti të çastit për motive të dobëta, 38-vjeçari i identifikuar si A.H., qëlloi me armë të riun L.H. Ky i fundit është dërguar në spitalin e Gjakovës për trajtim më të specializuar, ndërsa autori i ngjarjes ka rënë në prangat e policisë.

Informacion paraprak: Plagosi me armë zjarri 35 vjeçarin, por falë reagimit në kohë të Policisë, identifikohet  dhe shoqërohet në Komisariatin e Tropojës  autori i dyshuar i plagosjes.

Më datë 04.10.2020, rreth orës 21:00, në fshatin Babinaj, Tropojë,  pas një konflikti të çastit për motive të dobëta, shtetasi A.H., 38 vjeç, ka plagosur me armë zjarri shtetasin L.H., 35 vjeç.

Shërbimet e Policisë kanë shkuar menjëherë në vendngjarje dhe falë veprimeve të shpejta  bënë  të mundur kapjen  e  autorit të dyshuar, shtetasin A.H,  dhe shoqërimin e tij në Komisariatin e Tropojë, për veprime të mëtejshme hetimore.

I plagosuri ndodhet në spitalin e Gjakovës për mjekim më të specializuar. Vijon puna për sqarimin dhe dokumentimin e plotë të rrethanave të ngjarjes.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern