LIGJET E BIZNESIT
Pas ngjarjes së rëndë të ndodhur në Malësinë e Madhe, ku dyshohet se tre kushërinj janë vrarë në parcelat me drogë dy ditë më parë, ka ardhur dhe reagimi i Policisë së Shtetit.
Në njoftimin zyrtar thuhet se kallëzimi për zhdukjen e tre të rinjve është bërë dje nga vëllai i Vilson Çutaj, shtetasi me inicialet O.Ç, i cili është njëherësh kushëri i dy personave të tjerë edhe këta të zhdukur, Klement e Daniel Pepaj.
“Më datë 04.10.2020, rreth orës 17:30, në Komisariatin e Policisë Malësi e Madhe, ka bërë kallzim shtetasi O. Ç., banues në fshatin Bajzë, Malësi e Madhe, se me datë 03.10.2020, rreth orës 15:00, ka humbur kontaktet me vëllain e tij shtetasin V. Ç. 37 vjeç, banues në fshatin Bajzë, Malësi e Madhe, dhe me dy afërmit e tij (kushërinjë) shtetasit K. P. 21 vjeç, dhe D. P. 25 vjeç, të dy me banim në fshatin Vrith, Malësi e Madhe.
Shërbimet e Policisë pas kallzimit të bërë nga shtetasi O.Ç, kanë nisur kontrollet për gjetjen e këtyre shtetasve”, njofton Policia.
Kujtojmë se rasti i kushërinjve të zhdukur është denoncuar dhe nga gazetari Artan Hoxha, ndërsa ende nuk kishte një njoftim nga uniformat blu, dhe pse kallëzimi ishte bërë që pasditen e djeshme.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
