Qyteti i Nicës në Francë u trondit mëngjesin e sotëm nga një sulm terrorist.
Një person i armatosur me thikë sulmoi në mënyrë barbare disa qytetarë në ambientet e Kishës Notre Dame de l’Assomption.
Për pasojë kanë humbur jetën tre persona dhe janë plagosur disa të tjerë.
Mediat franceze bëjnë me dije se dy prej tyre janë ekzekutuar brenda ambienteve të kishës, ku një gruaje ju pre koka, ndërsa personi i tretë u sulmua në afërsi të godinës fetare.
Autori u arrestua nga policia vetëm 10 minuta pas incidentit.
Në Tëitter, Policia Nacionale u kërkon banorëve të Nicës që të shmangin kalimin në vendin ku ndodhi gjarja makabër.
Kryetari i Bashkisë së qytetit, Christian Estrosi, konfirmon se kemi të bëjmë me një sulm terrorist. Ndërsa ministri i Brendshëm Gérald Darmanin aktualisht po kryeson një takim emergjence për gjendjen e krizës nga Beauvau.