LIGJET E BIZNESIT
Cudi si kjo s’keni parë! Naim Murseli nga Kosova ka vendosur që kursimet e tij t’i shpenzojë në një mënyrë aspak të zakontë. Ai ka uruar presidentin e SHBA-ve me një tabelë gjigante që I uron shërim të shpejtë në hyrje të aeroportit të Prishtinës.
Murseli, i cili është këshilltar i kryetarit të AKR, Behgjet Pacolli, ka tërhequr vëmendje në rrjetet sociale, ku postimi i tij është shpërndarë disa qindra herë.
Ai thotë se ka paguar billboard-in më të madh dhe më të shtrenjtë ku shkruhet “Shërim të shpejtë Mr. President”, me foton e Trump dhe flamurin amerikan e atë të Kosovës në sfond.
“Kam përdorur kursimet e mia për të paguar billbordin më të madh dhe më të shtrenjtë, afër Aeroportit Ndërkombëtar të Prishtinës, për të nderuar Presidentin Donald Trump dhe popullin Amerikan. Njerëzit e Kosovës i urojnë Presidentit shëndet dhe shërim të shpejtë. Zoti i bekoftë vendet tona”, ka shkruar Murseli në Twitter.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
