“Nuk dalim gjallë prej këtej”, kërcënim i rëndë, paralajmërohet kryeministri Rama

Në ditën e 13 të grevës së urisë, naftëtarët në Ballsh nuk pranojnë të tërhiqen.

Ata kanë paralajmëruar se nëse do jetë e nevojshme, deri në ditën e fundit të jetës do të bëjnë rezistencë.

Shokët dhe kolegët e naftëtarëve të ngujuar kanë nisur këtë mëngjes një marshim në qytetin e Mallakastrës dhe lajmëruan bllokimin e rrugës. Ndërsa i bëjnë thirrje policisë të mos i pengojnë të protestojnë.

Kreu i sindikatës së Naftëtarëve i bëri thirrje kryeministrit Edi Rama të gjejë një zgjidhje për situatën.

“Nuk janë naftëtarët ata që kandidojnë për deputetë, kemi protestuar pa fund, kudo, me të gjitha mjetet demokratike. Ju bej thirrje si vëllezër do përdorim gjithë format demokratike, qoftë me protesta qoftë më vetësakrifikim deri ditën e fundit. Deri ditën e fundit s’dalim të gjallë prej këtej”, tha Dautaj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Sakaq, mësohet se gjatë natës një tjetër grevist i është drejtuar spitalit të Mallakastrës për të marrë ndihmë mjekësore dhe i është rikthyer sërish grevës.

Një tjetër naftëtar tha: Unë do nisem i pari do bllokoj rrugën sot lart në qytet, problemi jonë nuk është me shtetin por me lekët, një marshim drejt rrugëve të qytetit, i bëj thirrje policisë që të mos pengojnë marshimin.