Me syzet ‘majë kokës’ mbi kapele, veshur me xhup të zi, del foto e autorit të vrasjes së biznesmenit pas arrestimit nga policia

Ky është autori i vrasjes së biznesmenit dhe ndërtuesit Niko Goro, Kliti Leka në momentin e arrestimit nga policia. Gjatë momentit të arrestimit atij iu gjet një armë kallashnikov dhe një pistoletë.

“Niko Goro po ndërton në tokën time, më gënjeu. Ia dhash tokën, por më kishte lëkë borxh”, ka thënë 53 vjeçari kur është shoqëruar në Komisariat.

Autori në rrefimin e vrasjes së Niko Goros në polici ka deklaruar se biznesmeni po ndërtonte në tokën e tij dhe nuk I kishte dhënë paratë që I kishte borxh. Shuma për të cilën bëhet fjalë është 70 mijë euro.

Himarë/Informacion shtesë

Në lidhje me informacionin e dhënë për kapjen e autorit të vrasjes në Himarë si dhe për gjetjen e armës kallashnikov, ju informojmë se:

Shërbimet e Policisë gjatë kontrollit të automjetit kanë gjetur dhe një tjetër  armë zjarri  të tipit pistoletë, e cila është sekuestruar në cilësinë e provës materiale.

Grupi hetimor nën drejtimin e Prokurorisë po punon për sqarimin e rrethanave të ngjarjes dhe përcaktimin se me cilën prej armëve të sekuestruara, autori ka kryer krimin./newsbomb