Mbyllja e universiteteve, ja çfarë po ndodh/ Rakacolli tregon arsyet e forta

Kryetarja e Komitetit Teknik ka shpjeguar arsyet e mbylljes së konvikteve dhe të universiteteve, që tashmë do ta zhvillojnë mësimin online. E ftuar në ‘Repolitix’, Rakacolli shprehet se shkak për këtë gjë është bërë ardhja e shumë studentëve nga rrethet.

“Jeta e studentëve është shumë dinamike. Ka përzierje. Vijnë në Tiranë njerëz nga të gjitha rrethet që shkojnë sërish nëpër shtëpitë e tyre. Shtohet jeta nëpër konvikte, shtohet jeta në klasa. Kështu shtohet përzierja e vendeve që kanë nivel më të lartë epidemiologjik me ato vende që kanë nivel më të ulët, se këta studentë shkojnë e lëviznin nëpër shtëpi në qytetet e tyre. Nuk e dimë se sa kohë do të vazhdojë kjo,”- tha Rakacolli.