Komisioneri për zgjerimin e BE-së bën lëvizjen e papritur në Kuvend

Komisioneri për Zgjerimin e BE-së, Oliver Varhelyi gjatë fjalës së tij në Parlament ka theksuar se Reforma Zgjedhore është kusht për konferencën e parë ndërqeveritare.

Varhelyi i bëri thirrje të gjithë deputetëve që përmes kontributit të tyre të marrin një hap tjetër për të ardhmen e Shqipërisë, pasi sipas tij “Ne jemi tashmë në atë moment kyç ku Shqipëria gjendet më pranë se kurrë para BE-së.”

Varhelyi: Që të jemi qartë Reforma zgjedhore është kusht për konferencën e parë. Shqipëria duhet të ruajë ritmin e këtyre përpjekjeve dhe të vijojë me reformat në ato fusha që janë identifikuar qartë.

Vijimësia e këtyre reformave duhet të jetë shumë e rëndësishme. Të gjitha institucionet duhet të punojnë që Shqipëria të ecë para drejt BE. Shqipëria ka kaluar një periudhë të vështirë tërmeti i tmerrshëm dhe kriza e COVID. Ju kemi qëndruar pranë dhe do vazhdojmë t’ju qëndrojmë pranë jush.

Ne jemi tashmë në atë moment kyç ku Shqipëria gjendet më pranë se kurrë para BE-së. Kontributi juaj, i të gjitha forcave dhe segmenteve të shoqërisë është kyç dhe me vendosmëri për të ardhmen. Le ta marrim atë hap tjetër për të ardhmen e Shqipërisë.