“Jemi në një moment kritik” OBSH del me thirrjen e fortë për të gjithë drejtuesit e shteteve

Një  tjetër thirrje e fortë vjen nga Organizata Botërore e Shëndetësisë.

Ky institucion ka folur për një moment kritik prej pandemisë COVID19.

Deklarata vjen teksa vetë OBSH miratoi të premten përdorimin e një testi të shpejtë i cili diagnostikon në kohë rekord të infektuarit me koronavirus, pasi bazohet te antigjenet.

Nga ana tjetër vetë kreu i OBSH, Tedros Adhanom Ghebreysus u shpreh se këto janë teste të thjeshta që japin rezultat të besueshëm brenda 15-30 minutave, në krahasim me ato që janë tani të cilat duan orë dhe ditë.

“Ky është një moment kritik në reagimin ndaj pandemisë. Ne i bëjmë thirrje çdo udhëheqësi vetëm të forcojë mënyrën si i përgjigjet situatës, të vendosin masa që ne i dimë se mund ta frenojnë përhapjen e virusit”, tha Adhanom Ghebreyesus.

Ndërsa për vendet ku situata është nën kontroll, nënvizoi rëndësinë që qeveritë të jenë vigjilente dhe të investojnë në sistemin shëndetësor.

Ai bën thirrje që të shtohet gjurmimi i kontakteve.