Infektohet me virus deputeti shqiptar

Deputeti i Partisë Demokratike të Kosovës, Memli Krasniqi, ka zbuluar se ka rezultuar pozitiv me koronavirus. Në një postim në Facebook, sqaron se ka qëndruar në ambiente me persona që kanë qenë të infektuar.

Memli është i izoluar prej ditësh së djeshme dhe ka shfaqur simptoma të lehta dhe i bën thirrje të gjithëve që të kujdesen për shëndetin e tyre.

Postimi i plotë:

Pas shfaqjes së disa simptomave të lehta dhe duke qenë i ekspozuar në ambiente ku persona të tjerë kanë rezultuar pozitiv me Covid-19, dje jam testuar dhe sot kam rezultuar pozitiv edhe unë.

Andaj, prej dje jam në izolim dhe po i ndjekë rekomandimet e profesionistëve shëndetësorë.Ju ftoj të gjithëve që të keni kujdes të shtuar, për vete dhe për rrethin tuaj, duke mbajtur distancën sociale, maskat mbrojtëse dhe higjienën personale.