LIGJET E BIZNESIT
Dita e sotme është shoqëruar me replika në distancë mes kryeministrit Edi Rama dhe këshilltarit të Presidentit Tedi Blushi.
Por së fundmi ka vendosur të reagojë dhe vetë Ilir Meta.
Kështu, Kreu i Shtetit ka vendosur të publikojë një video në të cilën shfaqet Rama duke e lavdëruar për punën e mirë që bënte asokohe kur ishte kryeministër.
Por, duke mënjanuar akuzat dhe ofendimet, Meta i kërkon Ramës të hapë listat dhe të mos dëgjojë më bandat dhe oligarkët sepse askush nuk ja ka parë atyre hajrin.
Duket se Meta po përpiqet që të bëjë një marrëveshje “paqeje” me Ramën, pas debateve të ashpra në distancë mes tyre.
“Edi, faleminderit për fjalët e mira që ke thënë për mua 20 vite më parë dhe që m’i thua gjithmonë kur takohemi nga afër.
E di vetë ti!
Por nesër është një ditë e rëndësishme për shqiptarët, ndaj të lutem mos dëgjo më bandat dhe oligarkët se nuk ja u ka parë kush hajrin!
Koha për një FRYMË TË RE, për një bashkëjetesë qytetare dhe europiane, është tani!
Respekto Marrëveshjen e 5 Qershorit dhe të lutem hapi listat, për socialistët në radhë të parë dhe për të gjithë shqiptarët”, shkruan Meta krah videos.
