E papritur/ Avokati Idajet Beqiri futet në karantinë, shtyhet gjyqi për Izet Haxhinë

Sot në mesditë ish-truproja i Sali Berishës Izet Haxhia, i akuzuar si i përfshirë në vrasjen e Azem Hajdarit, është paraqitur në seancën e gjyqit.

Por më pas ka ndodhur një e papritur.

Në momentin një trupa e gjyqtarëve dhe prokurori ishin në sallë së bashku me Haxhinë, avokati Idajet Beqiri nuk është paraqitur në sallë.

Ai ka dorëzuar në sekretarinë e Gjykatës një kërkesë për shtyrjen e gjyqit pasi ndodhet i karantinuar në shtëpinë e tij dhe dyshohet se është infektuar nga COVID19.

Ndërkohë seanca e ardhshme do të zhvillohet më datë 23 tetor 2020 dhe aty do të vendoset nëse ish-kryeministri Sali Berisha dhe 30 persona të tjerë do të merren apo jo si dëshmitarë.

Kujtojmë se Izet Haxhia është shpallur fajtor dhe dënuar me 25 vite burg për eleminimin e Azem Hajdarit, që është quajtur ndryshe dhe si “vrasja e shekullit”.