Në përfundim të seancës së zhvilluar sot Gjykata e Posaçme ka vendosur “pezullin nga detyra” për Artan Shkëmbin, ish-drejtori i Drejtorisë Hetimore Qendrore në Policinë e Shtetit.
Ndërkohë avokati u shpreh për mediat se GJKKO vendosi gjithashtu që ish-kreu i OFL të pezullohet nga detyra.
“U la në fuqi masa për pezullim nga detyra”, u shpreh Broci.
Kujtojmë se kjo është seanca e dytë që zhvillohet në GJKKO për Artan Shkëmbin.
Në seancën e fundit që u mbajt dje, avokati Broci kërkoi shtyrjen pasi do të njihet më mirë me aktet në dosje.
Nga ana tjetër SPAK vijon hetimet në lidhje me këtë çështje.
Ky organ ka kërkuar të dhëna dhe për dy oficerë të tjerë në Policinë e Shtetit, si të dyshuar të përfshirë në nxjerrjen e sekretit hetimor. Këta dy agjentë janë marrë në pyetje, pasi dyshohet se në bashkëpunim me Shkëmbin kanë kërkuar në TIMS të dhënat e dy personave, që gjermanët kishin kërkuar informacione për pasurinë e tyre.
Artan Shkëmbi dyshohet se ka dekonspirua informacione sekrete te policisë. Referuar raportimeve mediatike, Shkëmbi ka përdorur një platforme chati të kriptuar për të informuar një person që kërkohej për trafik droge në Gjermani, se pasuria e tij po hetohej.